मा प्रकाशित
कनिका खबर
भदौं १६, नुवाकोट
विदुर नगरपालिकाले कोरोना महामारीका कारण बन्द रहेका व्यवसायमा लाग्ने करमा छुट दिने निर्णय गरेको छ । नगरपालिकाले नगरपालिका भित्र सञ्चालित व्यवसायहरुको कर र सेवा शुल्कमा छुट दिने भएको हो । कोभिड–१९ का कारण लामो समयसम्म भएको बन्दाबन्दीले सबै क्षेत्र प्रभावित भएको कारण नगरपालिकाले नगरभित्रका सर्वसाधारणलाई स्थानीय तहमार्फत् हुने सेवा सुविधामा सहजिकरण गर्न अग्रसर रहेको कार्यालयले जनाएको छ । विदुर नगरपालिकाले नगरभित्र व्यवसाय सञ्चालन गर्दै आएकाहरुमा व्यवसायको प्रकृति हेरेर सहजिकरणको योजना ल्याउने जनाएको छ । नगरपालिकाको यो निर्णयले व्यवसायीलाई भने राहत भएको व्यवसायीहरुले बताएका छन् ।
