पाकिस्तानको सिन्ध प्रान्तमा सवारी साधन दुर्घटना, १३ जनाको मृत्यु

कनिका खबर
असोज ११, दाङ
पाकिस्तानको सिन्ध प्रान्तमा भएको सवारी साधन दुर्घटनामा कम्तीमा १३ जनाको मृत्यु भएको छ । प्रहरी अधिकारीहरुका अनुसार कराँची–हैदराबाद राजमार्गमा हिजो एउटा यात्रुबहाक भ्यान दुर्घटना भएको हो । भ्यानमा कम्तीमा २० जना सवार थिए । अर्को सवारी साधनलाई ठक्कर दिएपछि यात्रुबहाक भ्यान सडकभन्दा तल खोँचमा खसेर दुर्घटनामा परेको प्रहरीलाइ उधृत गर्दै पाकिस्तानका सञ्चार माध्यमहरुले जनाएका छन् ।