कनिका संवाददाता
जेठ ५, दाङ ।
पछिल्लो अध्यावधिक अनुसार नेपालमा कोरोना सङ्क्रमितको सङ्ख्या ३ सय ७५ पुगेको छ । कर्णाली प्रदेशको दैलेखमा पहिलो पटक कोरोना संक्रमण देखिएको हो । नेपालगञ्जको भेरी अस्पतालमा गरेको परीक्षणमा दैलेखको आठबिसकोट नगरपालिका–१ का १ पुरुषमा कोरोना पुष्टि भएको स्वास्थ्य मन्त्रालयका सहप्रवक्ता डा. समीरकुमार अधिकारीले जानकारी दिए ।
खोटाङमा पनि पहिलो पटक कोरोना संक्रमण पुष्टि भएको छ । हलेसी नगरपालिकाका निवासी १ पुरुषमा कोरोना पुष्टि भएको स्वास्थ्य मन्त्रालयले जनाएको छ ।
बाँकेको नरैनापुरमा सोमबार राति थप १२ जनामा कोरोना संक्रमण पुष्टि भएको छ । त्यसैगरी सुनसरीभ १, धनुषाका २, र झापाका १ पुरुषमा कोरोना पुष्टि भएको छ ।
अहिलेसम्म नेपालमा कोरोना संक्रमणबाट दुई जनाको मृत्यु भएको छ । गुल्मीका एक संक्रमितको भेन्टिलेटरमा राखेर उपचार भइरहेको छ ।
