मा प्रकाशित
कनिका खबर
भदौ १, बाजुरा
बाजुराको हिमाली गाउँपालिकामा बस्ती माथिबाट पहिरो झर्न थालेपछि स्थानीय विस्थापित भएका छन् । जिल्लाको पूर्वी उत्तर क्षेत्रमा पर्ने हिमाली गाउँपालिकाको वडा नं ५ क्युडी गाउँ माथिबाट पहिरो झर्न थालेपछि ९६ परिवार विस्थापित भएका हुन् ।
गत एक सातादेखि लगातार परिरहेको वर्षाका कारण बस्ती माथिबाट पहिरो झर्दा ७ घरमा क्षति भएको हो भने गाउँ नै उच्च जोखिममा परेपछि स्थानीय अहिले विभिन्न स्थानमा पाल हालेर बसीरहेका हिमाली गाउँपालिकाका प्रवक्ता रमेश विकले पुष्टि गर्नुभएको छ । गाउँमाथिबाट पहिरो झर्न थालेपछि अहिले गाउँले स्थानीय मन्दिर क्षेत्रदेखि विभिन्न स्थानमा त्रिपाल टाँगेर बसी रहेका उहाँले बताउनुभयो ।
