मा प्रकाशित
काठमाडौं । राष्ट्रिय स्वतन्त्र पार्टी (रास्वपा) की सांसद आशिका तामाङले नदीजन्य पदार्थ गिटी, बालुवा र ढुंगा उत्खनन तथा क्रसर उद्योग सञ्चालनसम्बन्धी कानुनलाई समयअनुकूल संशोधन गर्न सरकारसँग माग गरेकी छन् ।
सोमबारको प्रतिनिधिसभाको बैठकमा बोल्दै सांसद तामाङले बर्खायाममा खोलाबाट गिटी, बालुवा र ढुंगा निकाल्न निषेध गरिए पनि तस्करी वर्तमान कानुनले नरोकिएको बताउदै भनिन्- ‘बर्खे महिनाहरूमा कानुन र नियमअनुसार खोलाबाट गिटी, बालुवा र ढुंगा निकाल्न निषेधित छ । तर तस्करहरूले एकै रातमा लाखौँ-करोडौँको बालुवा राज्यलाई एक रुपैयाँ कर नतिरिकन तस्करी गर्छन् ।’
उनले ढुंगा, गिटी र बालुवा निकाल्न पाउनु हुँदैन भन्ने आफ्नो मनसय नरहेको बताउदै यसको सही व्यवस्थापनमा कानुन बाधक बन्नु हुँदैन भन्ने आफ्नो भनाई रहेको स्पष्ट गरेकी छन् ।
