कनिका खबर
भदौ २३, पर्वत
गण्डकी प्रदेशमा आज बिहान थप ११ जनामा कोरोना भाइरस सङ्क्रमण भएको छ । स्वास्थ्य निर्देशनालय गण्डकी प्रदेशका निर्देशक एवं गण्डकी कोरोना रोकथाम तथा नियन्त्रण कार्यक्रमका प्रवक्ता डा. बिनोदबिन्दु शर्माका अनुसार आज बिहान २ जिल्लाका ११ जनामा सङ्क्रमण पुष्टि भएको हो । सङ्क्रमितहरु नवलपरासी (बर्दघाट सुस्ता पूर्व)को गैँडाकोट नगरपालिकाका ३ जना महिला र २ जना पुरुष, कावासोती नगरपालिकाका १ जना महिला रहेका छन् । यस्तै, कास्कीको पोखरा महानगरपालिकाका पाँचजनामा पनि सङ्क्रमण रहेको पाइएको छ । पोखरामा २० देखि ४२ वर्ष उमेर समूहका ५ जना पुरुष सङ्क्रमित भएको निर्देशनालयले जनाएको छ । पोखरा स्वास्थ्य विज्ञान प्रतिष्ठान पोखरा र चितवन मेडिकल कलेज भरतपुरको प्रयोगशालामा स्वाव परिक्षण गर्दा उनीहरुमा कोरोना सङ्क्रमण पुष्टि भएको डा. शर्माले बताउनुभयो । योसँगै गण्डकी प्रदेशमा सङ्क्रमितहरुको संख्या दुई हजार ६१२ पुगेको छ । कोरोना सङ्क्रमणबाट गण्डकी प्रदेशमा २० जनाको मृत्यु भइसकेको छ ।
मा प्रकाशित
