एएफसी कप फुटबल प्रतियोगिता रद्द

कनिका खबर
भदौ २६, दाङ
कोरोना भाईरसको महामारीको कारण यस वर्षको एएफसी कप फुटबल प्रतियोगिता रद्द भएको छ । एसियन फुटबल फेडेरसन (एएफसी) ले बिहीबार क्लब स्तरीय एएफसी कप रद्द गर्ने निर्णय गरेको हो ।
अनलाईनको माध्यमबाट बसेको एएफसीको बैठकले कोरोनालाई मध्येनजर गर्दै यस वर्षको एएफसी कप रद्द गर्ने निर्णय गरेको हो । यस्तै, युएईमा तय भएको एएफसी फुटसल क्लब च्याम्पियनसिप समेत रद्द गरिएको छ । एएफसीले एएफसी १६ वर्ष मुनिको र १९ वर्षमुनिको च्याम्पियनसिप २०२१ सम्मको लागि स्थगित गरेको छ । एएफसी सोलिडारिटी कप समेत २०२४ सम्मका लागि स्थगित गरिएको छ ।