कनिका खबर
भदौं ३१, सुर्खेत
हातेमालो जागरण बहुउद्देश्यीय सहकारी संस्थाद्वारा संचालित जागरण एफ एम सुर्खेत आज देखि १२ वर्ष पूरा गरी १३ वर्षमा प्रवेश गरेको छ । कर्णाली प्रदेशको राजना सुर्खेतको वीरेन्द्रनगर नगरपालिका वडानम्बर १२ का युवाहरुले स्थापना गरेको जागरण बहुउद्देश्यीय सहकारी संस्था लि. र हाल हातेमालो जागरण बहुउद्देश्यीय सहकारी संस्था लि. ले ‘जनताको आवाज’ नाराका साथ वि. सं. २०६५ साल भदौ ३१ गते स्थापना गरि प्रशारण आरम्भ गरिएको थियो । समुदायका बढीभन्दा बढी नागरिकहरुको सहभागितामा नागरिकको सूचना प्राप्त गर्ने हकलाई सुनिश्चित गर्दै सञ्चारकर्म गर्ने अभिप्रायले जागरण एफ. एम. सञ्चालनमा आएको हो । विशेषगरी, रेडियोले पर्यटन, स्वास्थ्य तथा सरसफाई, शिक्षा, कृषि, वातावरण संरक्षण एवंम् प्राकृतिक प्रकोप न्यूनिकरण र जलवायू परिवर्तन, सुशासन, लोकतन्त्र र विकास, महिला अधिकार, शान्ति तथा आर्थिक विकाससम्वन्धि जनचेतनामूलक कार्यक्रमसमेत सञ्चालन गर्दै आएको छ ।
मा प्रकाशित