बस्ती स्थानान्तरणको काम स्थानीय सरकारको अगुवाईमा गरिने

कनिका खबर
असोज ४, काठमाडौं
सरकारले बाढी र पहिरोबाट क्षति भएका बस्ती स्थानान्तरणको काम स्थानीय सरकारको अगुवाईमा गर्ने भएको छ । देशका विभिन्न जिल्लामा बाढी र पहिरोबाट क्षति पुगेका क्षेत्रका बस्तीहरू सार्ने विषयमा१० दिनभित्र कार्यविधि तयार हुँदैछ । स्थानीय सरकारलाई मुख्य जिम्मेवार बनाउनेगरी काम अगाडी बढाइने राष्ट्रिय विपद् जोखिम न्यूनिकरण तथा व्यवस्थापन प्राधिकरणका कार्यकारी प्रमुख अनिल पोखरेलले सीआईएनसँग बताउनुभयो । बस्ती स्थानान्तरणको काममा स्थानीय सरकारलाई जिल्ला विपद् व्इवस्थापन समिति, जिल्लाका अन्य प्राविधिक कार्यालयहरू र संघीय सरकारका विभिन्न मन्त्रालयसँगै दुवै प्राधिकरणले सघाउनेछन् ।