मा प्रकाशित
कनिका खबर
असोज १०, लमजुङ
लमजुङमा अवैध रुपमा पेट्रोलियम पदार्थ विक्री वितरण गरेको पाइएको छ । जिल्लाको उदिपुरको भाँडा पसल र सुन्दरबजारको सप्लायर्सले पेट्रोल र डिजेल विक्रीवितरण गरेको पाइएको हो । जिल्ला प्रशासन कार्यालयले हिजो बेंसीसहर नगरपालिका, १ उदिपुरको गुरुङ भाँडा पसल र सुन्दरबजार नगरपालिका ६ को क्याम्पस गेटमा रहेको आदिवासी सप्लायर्समा अवैध रुपमा पेट्रोलियम पदार्थ विक्री वितरण गरेको पाइएको सहायक प्रमुख जिल्ला अधिकारी अनिलकुमार शाहीले बताउनुभयो । उहाँका अनुसार उदीपुरको भाँडा पसलबाट ३५ लिटरको ४ ग्यालिन पेट्रोल, १ लिटरको ७ वटा मिनिरल वाटरको बोतलमा भरेर विक्रीका लागि राखिएको पेट्रोल गरी करिब १ सय ४७ लिटर पेट्रोल बरामद गरिएको छ । सुन्दरबजारको सप्लायर्सबाट डिजेल करिब २ सय १० लिटर, ४३ लिटर पेट्रोल बरामद गरिएको सहायक प्रजिअ शाहीले बताउनुभयो ।
