कनिका खबर
असाेज १०, दाङ ।
लमहीमा आज शनिवार ११ जनामा कोरोना पुष्टि भएको छ । संक्रमण पुष्टि हुनेमा लमहीको नेत्रलाल स्मृति भवनको क्वारेन्टिनमा बसेका ६ जना र लमही नगरपालिका वडा नम्बर ७ स्थित सम्राट सिमेन्ट कम्पनीका ५ जना कामदार रहेको लमही नगरपालिकाका स्वास्थ्य शाखा प्रमुख लोकराज पौडेलले बताए ।
संक्रमित हुनेमा लमही नगरपालिका वडा नम्बर १ का एक जना पुरुष, वडा नम्बर ३ का एक जना महिला र दुई जना पुरुष, वडा नम्बर ६ का दुई जना महिला रहेका छन । ६ दिन अघि भारत बाट सम्राट सिमेन्ट कम्पनीमा काम गर्न आएका भारतीय कामदारमा कोरोना पुष्टि भएको हो ।
त्यस्तै नेत्रलाल स्मृति प्रतिष्ठानमा बसेकाहरु पनि केहि दिन अघि कामको सिलसिलामा भारत गएर फर्किएका हुन । कोरोना संक्रमित हुनेहरु दुई वर्ष देखि लिएर पचास वर्षका रहेको स्वास्थ्य शाखा प्रमुख पौडेलले जानकारी दिए । अहिले सम्म लमही नगरपालिकामा ६७ जनामा कोरोना पुष्टि भएको छ भने ३८ जना निको भएर घर फर्की सकेका छन । सक्रिय संक्रमितको संख्या २९ जना रहेको छ । भारत बाट काम गरि फर्कीएकाहरु सुनडबरी सम्म गाडी रिजर्भ गरेर आएका थिए भने त्यहाँ बाट लमही आउदा अन्य गाडी प्रयोग गरेर आएको खुल्न आएको छ ।
