कनिका खबर
असोज ११, सिन्धुपाल्चोक
सुनकोसी गाउँपालिका ७ मा धमाधम किसानका बाख्रा मर्न थालेका छन् । धमाधम बाख्रा मरेर खोर नै रित्तिन थालेपछि पात्ले, कापिङ र आसपासका किसान चिन्तित बनेका छन् । पछिल्लो दुई साताकाबीच ५० भन्दा बढि बाख्रा मरिसकेको र बाख्रा मर्ने क्रम नरोकीएको स्थानीय सानु तिमल्सिनाले बताउनुभयो । कतिपयको त खोर नै रित्तिएको छ, तिमल्सिनाले भन्नुभयो, –‘गाउँपालिकालाई यसबारे सुनाउँदा कुनै चासो नै नदिएको र पीपीआर रोगको सुई माग गर्दा गाउँपालिकाले पठाउन नसकेको उहाँले सुनाउँनुभयो । सुनकोसी गाउापालिकाले सबै वडामा गरि ९ जना गाउँ प्रहरी राखेको छ । तर किसानका बाख्रा धमाधम मरिरहँदा औषधी उपचारमा दक्ष चिकित्शक खटाउन सकेको छैन । गाउँपालिकाको पशु सेवा शाखामा एकजना मात्र कर्मचारी छन् । पछिल्लो दुई सातामा कापिङमा स्थानीय सिताराम तिमल्सिना, हरि तिमल्सिना, अर्जुन तिमल्सिना र अनिता तिमल्सिना र अन्यको गरि ४० बढि बाख्रा मरेको छ । स्थानीयले पशु चिकित्शक पठाइदिन पटक,पटक आग्रह गरेपछि सुनकोसी गाउँपालिकाले बनेपाबाट २ जना चिकित्शक झिकाएर रोग परीक्षणका लागी पात्ले, कापिङ क्षेत्रमा पठाएको तिमल्सिनाले बताउनुभयो । परिक्षण गर्दा रोग पहिचान नभएको र पीपीआरसँग मिल्दो लक्षण देखिएको सुनकोसी गाउँपालिका पशु सेवा शाखाका रामचन्द्र जिसीले बताउँनुभयो ।
मा प्रकाशित
