आज देशभरका आकस्मिक बाहेक सबै स्वास्थ्य सेवा बन्द

कनिका खबर
असोज २५, दाङ ।
आज देशभरका आकस्मिक बाहेक सबै स्वास्थ्य सेवा बन्द हुने भएका छन् । नेपाल चिकित्सक संघले २७ दिनदेखि अनसनरत डा गोविन्द केसीको माग पूरा गर्न सरकारलाई आइतबारसम्मको अल्टिमेटम दिएको छ ।
संघले बुधबार नै एक विज्ञप्ति जारी गर्दै यस्तो अल्टिमेटम दिएको थियो । जारी विज्ञप्तिमा आइतबार देशभरका स्वास्थ्य संस्था तथा अस्पतालहरुमा आकस्मिक र कोभिड–१९ का सेवा बाहेक सम्पूर्ण स्वास्थ्य सेवा बहिस्कार गर्ने घोषणा गर्रिको छ । साथै आइतबारसम्म पनि सत्याग्रहको अन्त्य नभएको अवस्थामा थप कडा आन्दोलनका कार्यक्रममा जान बाध्य हुने चेतावनी विज्ञप्तिमा दिइएको छ ।
डा. केसीको १९ औं आमरण अनशन आज २८ औं दिनमा पुगेको छ । तर केसीको वार्ता टोली र सरकारी वार्ता टोलीबीच मागका सम्बन्धमा सहमति नजुट्दा अनसन जारी रहेको छ ।