मा प्रकाशित
कनिका खबर
असाेज २६, दाङ ।
दाङमा आज थप ५३ जनामा कोरोना भाइरसको संक्रमण पुष्टि भएको छ । राप्ती स्वास्थ्य विज्ञान प्रतिष्ठान घोराहीमा गरिएको परीक्षणमा दाङका ५३ जना कोरोना पुष्टि भएको स्वास्थ्य कार्यालय दाङले जनाएको छ ।
स्वास्थ्य कार्यालयका फोकल पर्सन कमल चन्दका अनुसार कोरोना पुष्टि हुनेमा घोराही उपमहानगरपालिकाका २७ जना, तुलसीपुर उपमहानगरपालिकाका १७ जना, बबई गाउँपालिकाका ६ जना रहेका छन् । गढवा गाउँपलिका, लमही नगरपालिका र राप्ती गाउँपालिकाका एक / एक जनामा कोरोना पुष्टि भएको छ ।
यससँगै दाङमा कोरोना संक्रमितको कुल संख्या १ हजार ५ सय ९ पुगेको छ । जसमध्ये १ हजार १ सय ३८ जना कोरोना मुक्त भएका छन् । अब बाँकी ३६५ जना भने विभिन्न आइसोलेसनमा रहेका छन् । ३ सय १८ होम आइसोलेसनमा रहेका छन् भने बाँकी विभिन्न अस्पतालकाे आइसाेलेसनमा रहका छन् ।
