काठमाडौं उपत्यकामा खसिबोका, च्याङ्ग्रा तथा हाँस कुखुरा बेच्नेहरुको चहलपहल

कनिका खबर
कार्तिक ४, भक्तपुर
दशैं सुरुभएसंगै काठमाडौं उपत्यकामा खसिबोका, च्याङ्ग्रा तथा हाँस कुखुरा बेच्नेहरुको चहलपहल देखिन्छ । खसीबोका तथा च्याङ्ग्रा बेच्न पुर्वको इलाम देखि हिमालmी जिल्ला मुस्ताङ् सम्मका व्यापारी काठमाडौं आइपुगेका छन् । भक्तपुरको सल्लाघारीमा बिहानैदेखि मानिसको चहलपहल सुरु हुन्छ । कोही खसी बोका छानिरहेका, कोही मोलमोलाइ गरिरहेका । कोही च्याङ्ग्रासंग फोटो खिच्दै गरेको पनि देखिन्छ । कोरोनाका जोखिमका बीचमा पनि मानिसहरु किनमेलका लागि पुगिरहेका छन् । अघिल्ला बर्षहरुको तुलनामा भने यस पटक ग्राहकहरु कम रहेको व्यापारी बताउँछन् । बिभिन्न जिल्लाबाट खसीबोका तथा च्याङ्ग्रा बेच्न आउनेहरु पनि यस बर्ष केही कम भएका छन् । तर केही व्यापारी भने हिमाली जिल्ला सोलुखुम्बु, मुस्ताङ, मनाङ बाट च्याङग्रा किनेर ल्याइ बिक्रि पनि गरिरहेका छन् । यसपटक काठमाडौं उपत्यकामा पूर्वको इलाम, पाँचथर र झापा लगायतका जिल्लाबाट पनि खसी ल्याईएको छ । तर यसपटक च्याङ्ग्राको मूल्य भने महंगिएको छ । अहिले जीउँदो खसी तथा बोका जिउँदो सयदेखि ७ सय रुपैयाँ र च्याङ्ग्रा एक हजार रुपैयाँ प्रतिकेजीका दरले बिक्री भइरहेको छ ।