चाडबाडका बेला बजार अनुगमनमा तिब्रता – Kanika Khabar
Thursday, January 20Nepali News Portal

चाडबाडका बेला बजार अनुगमनमा तिब्रता

    मा प्रकाशित

कनिका खबर
कार्तिक १९, काठमाडौं
अछामको पञ्चदेवल विनायक नगरपालिकाले दशैँ तिहारको बिचमा छड्के चेक जाँच र अनुगमनलाई तिव्रता दिएको छ । मापदण्ड विपरित तथा इजाजत बिनै सञ्चालित व्यवसायहरूको पुनः निरिक्षण तथा चाडपर्व लक्षित गरि बजार अनुगमनमा नगरपालिकाले तिव्रता दिएको हो । आइतवारबाट निरन्तर अनुगमन गरेको नगरपालिका र इलाका प्रहरी कार्यालयको एक टोलीले अनुगमनका क्रममा वडा नम्वर २ पञ्चदेवल बजार नजिकै मध्यपहाडी सडकखण्डमै रहेको दर्ता नगरिएको बिनोद बस्नेतको पसलबाट ३६ बोत्तल बियर, घरेलु मदिरा २० पोका, वडा नम्वर ३ पब्लिक भञ्ज्याङ स्थित बुढा होटलबाट कमसल मदिरा ओरेन्ज सोफी १८ पेटी बरामद गरेको छ । प्रमुख प्रसाशकिय अधिकृत पदम माझीका अनुसार नरपालिकाद्धारा पटक पटक चेक जाँच तथा अनुगमन गर्दै सूचना प्रवाह गर्दा पनि स्थानीय व्यापारीहरूले पालिकाको निर्देशन अटेर गरेका छन् । सोमबार बिहान अनुगमन गर्दा सुन्तलाबाडी नजिकै ढकाल जनरल स्टोरबाट इजाजत बिना बिक्रीका लागि राखिएको अवस्थामा बियर ४५ बोत्तल, भर्जिन २ पेटी, रेन्बो २ पेटी,डायमण्ड १ पेटी र नजिकै रहेको तिर्थराज ढकालको पसलबाट बियर ९ बोत्तल, घरेलु मदिरा २९ पोका बरामद गरि कानुनबमोजिम कारबाही गरिएको माझीले रेडियो पञ्चदेवललाई जानकारी दिनुभयो । दशैँ तिहारमा बिकृतीजन्य घटना मदिराकै कारण घट्न सक्ने भन्दै नगरपालिकाकाले बजार अनुगमनलाइ तिव्रता दिइरहेको छ ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्