कनिका खबर
कार्तिक २४, दाङ ।
दाङ जिल्लाको घोराही उपमहानगरपालिकामा हालसम्म १ हजार १ जनामा कोरोना भाइरसको सङ्क्रमण पुष्टि भएको छ ।
घोराही उपमहानगरपालिका स्वास्थ्य उपमहाशाखाका अनुसार हालसम्म ३ हजार ८ सय १६ जनाको पिसिआर परीक्षण गरिएको छ । पिसिआर परीक्षणमध्ये १ हजार १ जनामा कोरोना सङ्क्रमण पुष्टि भएको हो ।
सङ्क्रमितमध्ये ६ सय ३८ जना कोरोना मुक्त भएका छन् । ३ सय ५६ जना सक्रिय सङ्क्रमित रहेका छन् भने ७ जनाको मृत्यु भएको छ । हिजो आइतबामर मात्रै २२ जना नयाँ सङ्क्रमित थपिएको उपमहानगरपालिका स्वास्थ्य शाखाले जनाएको छ ।