सञ्जिव पछाइ
कार्तिक २४, दाङ ।
नेविसंघ घोराही नगर कमिटीको आयोजनामा आज सोमबारमा दाङको घोराहीमा रक्तदान कार्यक्रम सम्पन्न भएको छ । जिल्लामा रगतको अभाव देखिन थालेपछि रक्तदान कार्यक्रमको आयोजना गरेको कमिटीका सभापति निरज पाण्ड्येले बताएका छन् ।
घोराहीमा रहेको रक्त सञ्चार केन्द्रमा ब्लडको अभाव भएपछि नेपालमा विद्यार्थी संघले रक्तदान गरेको हो ।
कार्यक्रममा २५ जनाले रक्तदान गरेको नेपाल विद्यार्थी संघ घोराही नगर सभापति पाण्डेयले जानकारी दिएका छन् ।
ब्लडको अभावमा कुनै पनि विरामीले समस्या भोग्न नपरोस भन्ने उद्देश्यले आफुहरुले रक्तदान गरेको समेत नगर सभापति पाण्डेयले बताएका छन् । कोरोना भाइरसका कारण रक्तदानका कार्यक्रमहरु हुन नसक्दा रक्त सञ्चार केन्द्रमा पटक पटक व्लडको समस्या हुदै आएको छ ।
रक्तदान कार्यक्रमको प्राविधिक सहयोग घोराहीस्थित ब्लड बैकले गरेको थियो ।