कनिका खबर
कार्तिक २६, काठमाडौँ ।
नेकपाका उपाध्यक्ष वामदेव गौतमलाई राष्ट्रिय सभा सदस्य हुन तत्कालका लागि कुनै बाधा नपर्ने भएको छ । सर्वोच्च अदालतको संवैधानिक इजलासले गौतमलाई राष्ट्रिय सभा सदस्यमा निर्वाचित हुन रोक्न अन्तरिम आदेश जारी गर्न नपर्ने आदेश गरेको हो ।
आज बुधबारको यो आदेशसँगै यसअघि सर्वोच्च अदालतले गौतमलाई थप जिम्मेवारी नदिनु भनी सर्वोच्च अदालतले नै दिएको अल्पकालीन अन्तरिम आदेश पनि निष्प्रभावी बन्न पुगेको छ । सर्वोच्च अदालतको आदेशपछि गौतम राष्ट्रिय सभा सदस्यको हैसियतमा काम गर्न पाउनेछन् । उनी संसदीय समितिकै सदस्य बन्न वा मन्त्री बन्न समेत बाधा हुने छैन । सर्वोच्च अदालतले आजको संवैधानिक इजलासको आदेशको विवरण सार्वजनिक गरिसकेको छैन ।
मा प्रकाशित