कनिका खबर
कार्तिक २७, सिरहा ।
सिरहामा नक्कली नोट छाप्दा छाप्दै ३ जना रंगेहात पक्राउ परेका छन् । जिल्लाको गोलबजारमा नक्कली नोट छाप्दै गरेका तीन जनालाई सशस्त्र प्रहरीले रंगेहात पक्राउ गरेको हो ।
पक्राउ पर्नेहरुमा कल्याणपुर नगरपालिका ७ बस्ने २४ वर्षीय बिमलेन्द्र कुमार नायक, गोलबजार नगरपालिका १२ बस्ने २५ वर्षीय धिरज यादब र २० वर्षीय सन्जे राय रहेका छन् ।
विशेष सूचनाका आधारमा प्रहरीले उनीहरुलाई पक्राउ गरेको जनाएको छ । केही दिन अघिदेखि सो ठाउँमा डेरा गरी बसेका उनीहरुलाई नक्कली नोट छापिरहेको अबस्थामा पक्राउ गरिएको उनले बताए ।
प्रहरीले उनीहरुको डेराबाट ३ थान मोवाईल, १ थान ल्यापटक, १ थान कलर प्रिन्टर र कागज काट्न प्रयोग गरिने चक्कु समेत थान बरामद गरेको छ ।
प्रहरीका अनुसार ३ लाख नक्कली नोट पूर्णरुपमा तयारी अवस्थामा र ३ लाख ८४ हजार फोटोकपी पेपरमा प्रिन्ट गरी काट्न वाँकी रहेको अवस्थामा बरामद गरेको जनाएको छ ।
