कनिका खबर
कार्तिक २९, दाङ ।
तिहार ५ दिन मनाइन्त तर यसपालिको तिहार ४ मा झरेको छ । तिथिमा आएको घटबढका कारण तिहार ४ मा झरेको बताइएको छ ।
हिन्दुहरुको दोस्रो महान पर्व तिहार कात्तिक महिनाको शुक्लपक्ष पूर्णिमासम्म यो पर्व मनाइन्छ ।
झण्डै ५ सय वर्षपछि तिहारको यस्तो महासंयोग परेको छ । तीन ग्रहको दुर्लभ संयोगका कारण तिथिमा घटबढ भएपछि यसपटक पाँच दिन मनाइने दीपावली चार दिनमा सिमित भएको हो ।
ज्योतिषाचार्यहरुका अनुसार यो दुर्लभ संयोग आज भन्दा ५ सय वर्ष पहिले अर्थात् सन् १५२१ मा पनि बनेको थियो ।
आज शनिबारको दिन यो विशेष संयोग बनेको हो । अहिले दीप पर्व गुरु ग्रह आफ्नो स्वराशी धनु तथा शनि आफ्नो स्वराशी मकरमा रहने भएको छ । त्यस्तै, लक्ष्मीको स्वग्रह शुक्र कन्या राशीमा हुने भएको छ । अनि आज लक्ष्मी पूजा गर्ने समयमा स्वाति नक्षत्र रहने ज्योतिषीहरुले बताएका छन् । यसलाई नै महासंयोग भनिएको हो ।