काठमाडौँ । राष्ट्रिय स्वतन्त्र पार्टी (रास्वपा) ले संसदीय समितिको सभापतिका उम्मेदवार टुङ्गो लगाएको छ ।
बिहीबार बसेको रास्वपा संसदीय दलको बैठकले २ संयुक्तसहित १० एकल समितिका सभापतिको उम्मेदवार टुङ्ग्याएको हो ।
त्यस्तै रास्वपाले मुख्य सचेतक र दुई जना सचेतक चयन गरेको छ । बैठकले मुख्य सचेतकमा कबिन्द्र बुर्लाकोटीलाई चयन गर्ने निर्णय गरेको छ । त्यस्तै, बैठकले सचेतकमा प्रकाशचन्द्र परियार र क्रान्तिशिखा धिताललाई चयन गर्ने निर्णय गरेको छ ।
त्यस्तै कानुन समितिको सभापतिमा समीक्षा बास्कोटा, कृषि समितिको सभापतिमा अशोक चौधरी, पूर्वाधार समितिको सभापतिमा आशिष गजुरेल, राज्य व्यवस्था समितिको सभापतिमा हरि ढकाल, शिक्षा समितिको सभापतिमा डा. ओजश्वी शेरचन, सार्बजनिक सुनुवाई संयुक्त समितिको सभापतिमा बोधनारायण श्रेष्ठ, राज्यका निर्देशक सिद्धान्त र दायित्व समितिको सभापतिमा गणेश कार्की, अन्तर्राष्ट्रिय समितिको सभापतिमा सुम्निमा उदास, अर्थ समितिमा कृष्णहरि बुढाथोकी र उद्योग समितिको सभापतिमा रहवर अन्सारीलाई उम्मेदवार बनाउने निर्णय गरेको छ ।
