कुखुराको खोरमा जुवा खेल्दै गरेका १९ जना पक्राउ

कनिका खबर
मंसिर ११, तनहुँ
जिल्लाको व्यास १२ छिर्कनेमा कुखुराको खोरमा जुवा खेलिरहेका १९ जनालाई तनहुँ प्रहरीले पक्राउ गरेको छ । सादा पोषाकमा रहेका प्रहरी टोलीले बेलघारीस्थित एक घरबाट कौडा खेल्दै गरेका १९ जनाको साथबाखट नगद तीन लाख १० हजार रुपैयाँ बरामद गरेको प्रहरीले जनाएको छ । ईलाका प्रहरी कार्यालय भानुमुकाम डुम्रेबाट गएको ईन्स्पेक्टर प्रकाश भुषाल नेतृत्वको प्रहरी टोलीले उनिहरुलाई पक्राउ गरेको हो । प्रहरीले पक्राउ गरेका सबैजिना वरुद्ध मुद्दा दर्ताको तयारी गरेको छ । यसबारे विस्तृत विवरण पछि उपलब्ध गराइने प्रहरीले जनाएको छ ।