कनिका खबर
मंसिर २९, दाङ ।
नेपाली काङ्ग्रेसका केन्द्रीय सदस्य तथा पूर्व सिचाई मन्त्री दिपक गिरीले वर्तमान सरकार इतिहासकै कमजोर सरकार भएको बताएका छन् । गिरीले हरेक क्षेत्रमा असफल भएको भन्दै सरकारलाई नालायकको संज्ञा दिएका थिए ।
नेता गिरीले वर्तमान सरकार भ्रष्टाचारको पुञ्ज भएको बताउदै केपी ओली गोकुल काण्डलाई संरक्षणमा लागिेका छन् र प्रचण्ड नारायण काण्डलाई संरक्षण गर्न तल्लीन भएको बताए ।
गोकुल बास्कोटाको र नारायणकाजी श्रेष्ठको भ्रष्टाचार सार्वजनिक हुँदा सम्म सरकार मौन रहेर बस्नुले यो सरकारको औचित्य सकिएको नेता गिरिले बताए । उनले थपे, ‘सरकारले नैतिकताको आधार गुमाइसकेको छ । सरकारमा भ्रष्टाचारीहरुको जमघटले मुलुक खोक्रो हुँदै गएको र जनतालाई सास्ती भोग्न बाध्यकारी अवस्था रहेको नेता गिरीले बताए ।
नेता गिरीले भने, ‘नेपाली काङ्ग्रेस लोकतन्त्रको सिपाही हो, सरकारको ज्यादतिका विरुद्ध अब काङ्ग्रेसले औला ठड्याइसकेको छ ।’ उनले थपे, ‘काङ्ग्रेसले सधै लोकतन्त्रको संरक्षण गर्दछ । जनताको साथमा काङ्ग्रेस छ, काङ्ग्रेसले जनतालाई निराश हुन दिदैन । ’
