प्रदेश नं. २ र ५ मा सरकारले चिकित्सक पठाउने – Kanika Khabar
Wednesday, July 28Nepali News Portal

प्रदेश नं. २ र ५ मा सरकारले चिकित्सक पठाउने

    मा प्रकाशित

कनिका संवाददाता
जेठ ७ दाङ ।
संघीय सरकारले कोरोनाबाट बढी प्रभावित दुईवटा प्रदेशमा २० जना चिकित्सक पठाउने भएको छ । प्रदेश नम्बर दुई र प्रदेश नम्बर पाँचका लागि दस–दस जना चिकित्सकको टोली पठाउने स्वास्थ्य तथा जनसङ्ख्या मन्त्रालयले निर्णय गरेको हो ।

मन्त्रालयले पठाउने निर्णय गरिसकेकाले तत्काल टोली पठाउने तयारी भइरहेको मन्त्रालयका प्रवक्ता डाक्टर विकास देवकोटाले जानकारी गराए । मन्त्रालयका अनुसार मुलुकभरमा विभिन्न क्वारेन्टाइन्मा २१ हजार ६ सय २३ जना रहेका मध्ये सबैभन्दा बढी प्रदेश नम्बर पाँचमा १३ हजार ६ सय ३८ जना छन् भने त्यसपछि प्रदेश नम्बर दुईमा तीन हजार चार सय १ जना रहेका छन् । चार सय ५७ जना आइसोलेनसमा रहेका मध्ये सबैभन्दा बढी प्रदेश नम्बर पाँचमा एक सय ८ र त्यसपछि बढी प्रदेश दुईमा एक सय ३७ जना रहेका छन् ।

अहिलेसम्म देशभरका विभिन्न अस्पतालबाट ३७ जना कोरोना संक्रमित निको भएर घर फर्किसकेका स्वास्थ्य मन्त्रालयले जनाएको छ ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्