मा प्रकाशित
कनिका संवाददाता
जेठ १७, दाङ ।
दैलेखमा एक जनाको मृत्यु कोरोना भाइरसको कारणले भएको पुष्टि भएको छ ।
दैलेखको दुल्लुस्थित विद्युत कार्यालयको क्वारेन्टिनमा दुल्लु–११ का ३५ वर्षीय पुरुषको शनिबार बिहान मृत्यु भएको र निजको रिपोर्ट दिउस पोजेटिभ आएको छ ।
कर्णाली स्वास्थ्य विज्ञान प्रतिष्ठान जुम्लामा पीसीआर विधिबाट गरिएको परीक्षणमा युवकको नतिजा पोजेटिभ आएको सामाजिक विकास मन्त्रालयको स्वास्थ्य महाशाखा प्रमुख डा. लक्ष्मीनारायण तिवारीले बताए ।
७९ जना साथीसहित १० दिन अघिमात्र भारतको गुजरातबाट गाउँ फर्किएका उनको स्वाब तीन दिनअघि पठाइएको थियो ।
यससँगै नेपालमा कोरोना संक्रमणका कारण मृत्यु हुनेको संख्या ७ पुगेको छ ।
