मा प्रकाशित
कनिका डेस्क
जेठ २०, दाङ ।
बैतडीको पुर्चौडी नगरपालिका–४ भटनाको मालिका माविको क्वारन्टिनमा एक युवतीको सोमबार साँझ मृत्यु भएको छ ।
जिल्ला प्रहरी कार्यालयका प्रहरी निरीक्षक किशन चन्दका अनुसार सोही ठाउँमा घर भएकी २२ वर्षीया युवतीको मृत्यु भएको हो । उनी केही दिनअघि मात्रै भारतबाट आएकी हुन् । निरीक्षक चन्दले ती युवतीले दमको उपचार गराइरहेको प्रारम्भिक जानकारी आफूले पाएको बताए ।
मृतक युवतीको पीसीआर परीक्षणका लागि स्वाब संकलन गर्न स्वास्थ्यकर्मीको टोली क्वारेन्टाइनस्थलतर्फ पठाइएको जिल्ला जनस्वास्थ्य प्रमुख योगेश भट्टले जानकारी दिएका छन । उनको परीक्षण रिपोर्ट आएपछि मात्र शवको पोस्टमार्टम गरिने उनले बताए ।
