कनिका संवाददाता
जेठ २५, काठमाडौं।
सरकारले बन्दाबन्दीलाई खुकुलो बनाउनका लागि १० चरणको नयाँ स्वरुप तयार पारेको छ । यसअघि कोभिड–१९ संकट व्यवस्थापन केन्द्र सीसीएमसीले तयार पारेको तीन फरक स्वरुपलाई पन्छाउँदै नयाँ स्वरुप अघि बढाएको हो ।
सरकारले असार एक गतेदेखि आर्थिक, स्वास्थ्य र दैनिक कामलाई सहज बनाउनको लागि बन्दाबन्दीलाई खुकुलो बनाउन स्वरुप ल्याउन लागेको हो । उपप्रधान तथा रक्षामन्त्री इश्वर पोखरेलको संयोजकत्वमा रहेको कोभिड–१९ रोग रोकथाम र नियन्त्रण उच्चस्तरीय समितिले बन्दाबन्दी खुकुलो बनाउने स्वरुपको विषयमा हिजो छलफल गरेको थियो ।
समितिले १० चरणको स्वरुपलाई अघि बढाएर बन्दाबन्दीलाई खुकुलो बनाउन छलफल गरेको जनाइएको छ । समितिले आज पनि बन्दाबन्दीको मोडालिटीको विषय छलफल गर्ने छ र सहमति भए, मन्त्रीपरिषद्लाई सिफारिस गर्नेछ ।
मन्त्रीपरिषद्ले स्वरुपलाई आवश्यकता अनुसार हेरेर गरेर अन्तिम निर्णय गर्नसक्ने छ ।
