मा प्रकाशित
इङ्ग्लिस प्रिमियर लिग फुटबलमा चेल्सीले आर्सनललाई पराजित गरेको छ ।
इमिरेट्स स्टेडियममा गएराति भएको खेलमा चेल्सीले आर्सनललाई २–० गोल अन्तरले पराजित गरेको हो । चेल्सीलाई जिताउन रोमेलु लुकाकु र रीस जेम्सले एक/एक गोल गरे ।
जितसँगै चेल्सीले दुई खेलमा ६ अङ्क जोडेको छ । चेल्सी तालिकाको शीर्ष स्थानमा समेत उक्लिएको छ । आर्सनलको यो लगातार दोस्रो हार हो । यस्तै, गएराति भएकाे अर्को खेलमा टोटेनह्यामले वुल्भस्लाई १–० गोल अन्तरले पराजित गरेको छ ।
अहिलेसम्म खेलेका दुई खेलमा दुवैमा जित निकाल्दै टोटेनह्याम तालिकाको चौथो स्थानमा छ । यस्तै, म्यानचेस्टर युनाइटेड र साउथह्याम्टनले भने एक/एक गोलको बराबरी गरेका छन् ।
