भदौ ७, दाङ ।
नेपाली काँग्रेसका वरिष्ठ नेता रामचन्द्र पौडेल समूहमा पार्टीको वडा अधिवेशन सुरु हुनु अगाडी नै आफ्नो समुहको तर्फबाट समूहबाट साझा उम्मेदवार खोज्ने सहमति भएको छ । पौडेल पक्षका सभापतिका आकाङ्क्षी नेताहरु सहितको आजको बैठकले वडा अधिवेशन अगाडी नै सभापतिको साझा उम्मेदवार तय गर्ने सहमति भएको हो ।
छलफलमा वरिष्ठ नेता पौडेल सहित महामन्त्री डा. शशाङ्क कोइराला, नेताहरू प्रकाशमान सिंह, अर्जुननरसिंह केसी, डा. रामशरण महत, बलबहादुर केसी, सुजाता कोइराला र डा. शेखर कोइराला लगायतका नेताहरू सहभागी भएका थिए । साझा उम्मेदवार तय गर्नका लागि निरन्तर छलफल गर्ने पनि नेताहरूका बिचमा सहमति भएको छ ।
काँग्रेसले आगामी ९ देखि १३ मङ्सिरसम्म केन्द्रीय महाधिवेशन गर्ने गरि मिति सारेको छ । यस्तै भदौ १८ गतेबाट तल्ला तहको अधिवेशन गर्ने कार्यतालिका सार्वजनिक गरिसकेको छ ।पौडेल समुहले यस अगाडी नै आफ्नो तर्फबाट सभापतिको उम्मेदवार टुङ्गो लगाउने निर्णय गरेको हो । यसैबीच, नेपाली काँग्रेस भित्रको क्रियासिल सदस्यताको विवाद भने अझै टुङ्गिएको छैन ।
