रामहरी न्यौपाने
भदौ १०, नुवाकोट ।
नुवाकोटमा कोरोना सङ्क्रमितको दर पछिल्लो समय निरन्तर घट्दै गएको छ । अहिले नुवाकोटमा सङ्क्रमित भन्दा निको हुने सङ्ख्या बढ्दै गएको जिल्ला स्वास्थ्य कार्यालय नुवाकोटले जनाएको छ ।
हाल जिल्लामा सक्रिय सङ्क्रमित ४ सय १ जना रहेकोजिल्ला स्वास्थ्य कार्यालयका सूचना अधिकारी उत्तमराज खनालले जानकारी दिनुभयो ।उहाँको अनुसार गत २४ घण्टामा नुवाकोटमा ३० जना कोरोनाका नयाँ सङ्क्रमित थपिएका छन् भने ५० जना सङ्क्रमणबाट मुक्त भएका छन् ।विदुर नगरपालिका २० जना नयाँ सङ्क्रमित थपिएका छन् भने जिल्लाको तादी गाउँपालिकामा ३, म्यागङ र लिखु गाउँपालिकामा २–२ जना थपिएका छन् ।
बेलकोटगढी नगरपालिका सहित ककनी र तारकेश्वर गाउँपालिकामा १–१ जना कोरोनाको नयाँ सक्रमित थपिएका छन् ।यो सहित नुवाकोटमा हालसम्म कोरोना सङ्क्रमित पुष्टि हुनेको कुल सङ्ख्या ७ हजार ७ सय ८४ पुगेको छ ।
