कनिका संवाददाता
जेठ २७, दाङ .
अनौपचारिक क्षेत्र सेवा केन्द्र इन्सेकले जाजरकोटका नवराज बिक सहितका ६ युवाको मृत्यु स्थानीयको कुटपिटबाट भएको ठहर गरेको छ ।
रुकुम पश्चिमको चौरजहारी, सोतीमा जेठ १० गते भएको घट्नाबारे इन्सेकको प्रारम्भिक प्रतिवेदनले घटना नियोजित भएको उल्लेख गरेको छ । स्थलगत प्रारम्भिक अनुगमन प्रतिवेदनमा स्थानीयको कुटपिटबाट युवाहरूको मृत्यु भएको र शव भेरी नदीमा फेला परेको उल्लेख छ । स्थानीयलाई हवाला दिँदै इन्सेकले गाउँबाट केही तल झरेपछि स्थानीयहरूले हँसिया, कुटो र दाउरा बोकेर लखटेको र भेरी नदीको किनारमा पु¥याई ती हतियार प्रयोग गरी आक्रमण गरेको उल्लेख गरेको छ । इन्सेकले ‘घटनामा संलग्न सबै आरोपीहरूलाई गिरफ्तार गरी विद्यमान कानुनी प्रक्रियाअनुसार गहन अनुसन्धान गरी फौजदारी अपराधअन्र्तगत सजाय गर्नुपर्ने सुझाव दिएको छ । घटनाका पीडित परिवारको सामाजिक सुरक्षाको प्रत्याभूतिका लागि राज्यको उपस्थिति र प्रभावकारी कार्यक्रम आवश्यक रहेको प्रतिवेदनमा उल्लेख छ ।
मा प्रकाशित
