कनिका संवाददाता
जेठ २८, दाङ
पछिल्लो २४ घन्टामा थप दुइ सय ७९ जनामा कोरोना संक्रमण पुष्टि भएको छ । यो सँगै नेपालमा कोरोना संक्रमितको संख्या चार हजार तीन सय ६४ पुगेको स्वास्थ्य तथा जनसंख्या मन्त्रालयले जनाएको हो ।
मन्त्रालयले आज आयोजना गरेको नियमित जानकारीमाका क्रममा आज संक्रमित हुनेमा दुइ सय ५७ पुरुष र २२ जना महिला रहेका मन्त्रालयका प्रवक्ता डा जागेश्वर गौतमले जानकारी गराउनुभयो । प्रवक्ता गौतमका अनुसार संक्रमित हुनेमा सबैभन्दा बढी रौटहटका ५३ जना त्यसपछि क्रमस कपिलवस्तुका ४८ जना रहेका छन् ।
आजै सर्लाही र दैलेखका २५–२५ जना, धादिङका १६ जना, पाल्पा कैलालीका १२–१२ जना, धनुषाका ११ जना सुर्खेतका नौ जना, मोरङका आठ जना, रुपन्देहीका सात जना, सप्तरी र प्युठानका ६–६ जना, झापा र नवलपरासी पश्चिमका पाँच–पाँच जना,, गोरखाका चार जना, बाँके, जाजरकोट र उदयपुरका तीन–तीन जना सर्लाही, चितवन, कञ्चनपुर र सिन्धुपाल्चोकका दुइ–दुइ जनामा संक्रमण देखिएको छ ।
आज उदयपुर, नवलपरासी पूर्व, बर्दिया, दार्चुला, डडेल्धुरा, सिरहा, नुवाकोटका एक–एक जनामा पनि संक्रमण देखिएको छ ।
