कनिका डेस्क
जेठ २८, दाङ
यसवर्षको एसईई परीक्षा सरकारले कोरोनाका कारण सिर्जित परिस्थितिका कारण सञ्चालन नगर्ने भएको छ । यसवर्ष कानूनी रुपमा मिलाएर विद्यालयको आन्तरिक मूल्याङ्कनका आधारमा नतिजा निकाल्ने निर्णय बुधबार बसेको मन्त्रिपरिषद् बैठकले गरेको छ ।
एसइई हाललाई विद्यालयको आन्तरिक मूल्याङ्कनका आधारमा ग्रेड निर्धारण गर्नेगरी कानूनमा संशोधन गर्नेसहितको प्रस्ताव शिक्षा, विज्ञान तथा प्रविधि मन्त्रालयले मन्त्रीपरिषद्मा लगेको थियो । सो प्रस्ताव स्वीकृत भएको छ । विद्यालयहरूले आन्तरिम मूल्यांकनको नम्बर परीक्षा बोर्डमा पठाउने र त्यसकै आधारमा ग्रेड निर्धारण गरी नतिजा सार्वजनिक हुनेछ ।
कोरोना जोखिमका कारण गत चैत ६ गते नै हुनुपर्ने कक्षा १० को एसइई परीक्षा चैत ५ गतेको कोरोना रोकथाम तथा नियन्त्रण उच्चस्तरीय समन्वय समितिको निर्णयपछि स्थगित भएको थियो ।
यसअघि शिक्षासम्बन्धी विभिन्न संघसंगठन र सरोकारवालाले पनि विद्यालयको आन्तरिक मूल्यांकनलाई आधार मानेर नतिजा सार्वजनिक गर्न सरकारलाई सुझाउँदै आएको थियो । तर सरकारले निर्णय गर्न ढिलाइ गर्दा परीक्षाको तयारीमा रहेका विद्यार्थीमा तनाव सिर्जना हुँदै आएको छ ।
योसहित मन्त्रिपरिषद्को निर्णयहरु औपचारिक रुपमा बिहीबार मात्रै सार्वजनिक गरिने बताइएको छ ।
र यो पनि ….
यस वर्षको एसईई परीक्षामा आन्तरिक मूल्याङ्कनलाई मान्यता दिने प्रस्ताव मन्त्रिपरिषदमा
