मा प्रकाशित
कनिका संवाददाता
जेठ ३०, काठमाडौं ।
वीरेन्द्र सैनिक अस्पताल छाउनीमा कार्यरत एक जना सुरक्षाकर्मी मृत भेटिएका छन् ।
नेपाली सेनाका प्यूठ डम्बरबहादुर विष्ट अस्पतालमा ड्युटीमा रहेका अवस्थामा मृत फेला परेका हुन् ।
उनको छातीमा गोली लागेको प्रहरी स्रोतले बताएको छ ।
महानगरीय प्रहरी वृत्त, स्वयम्भुका डीएसपी निरञ्जन भट्टले कनिकाखबरसँग भने, ‘मध्यरातिको घटना हो, एसएलआरबाट आफैंले गोली चलाए जस्तो देखिएको छ ।’
उनले आत्महत्या गरेको हुनसक्ने आशंका गरिए पनि विस्तृत अनुसन्धानपछि मात्र यकिन हुने प्रहरीले बताएको छ । हाल उनको शवलाई पोष्टमार्टमका लागि महाराजगञ्जस्थित त्रिवि शिक्षण अस्पतालमा पठाइएको भट्टले बताए ।
