मा प्रकाशित
कनिका संवाददाता
जेठ ३०, धनगढि
भारतबाट सुदूरपश्चिम प्रदेशको नाका हुँदै ३ महिनाको अवधिमा साढे २ लाख भन्दा बढी नेपाली स्वदेश फर्किएका छन् । सुदूरपश्चिम प्रदेशको सामाजिक विकास मन्त्रालयका अनुसार गत फागुन २३ गते यता सुदूरपश्चिम प्रदेशका चार नाकाबाट दुई लाख ६५ हजार भन्दा बढी नेपाली स्वदेश फर्किएका छन् ।
कैलालीको गौरीफन्टा, कञ्चनपुरको गड्डाचौकी, बैतडीको झुलाघाट र दार्चुलाको धार्चुला नाका हुँदै उनीहरु नेपाल भित्रिएका हुन् । जेठ २ गतेपछि नै १ लाख भन्दा बढी नागरिक स्वदेश फर्किएका छन् । मन्त्रालयका अनुसार फागुन २३ देखि चैत ९ गतेसम्म एक लाख ४३ हजार ३२५ नेपाली भित्रिएका छन् ।
त्यसैगरी, चैत १० र ११ गते १६ हजार भन्दा धेरै नेपाली स्वदेश फर्किएका छन् । यो अवधिमा सबै भन्दा धैरै कैलालीको गौरिफन्टा नाकाबाट नेपालीहरु स्वदेश फर्किएका छन् ।
