कनिका डेस्क
जेठ ३१, दाङ ।
आज नेपालको प्रतिनिधिसभाबाट लिम्पियाधुरासहितको नक्सा पारित भएपछि भारतले आपत्ति जनाएको छ । भारतले नेपालको निर्णयप्रति आपत्ति जनाउँदै नेपालको निर्णय स्वीकार्य नहुने प्रतिक्रिया दिएको हो ।
आज शनिबार साँझ भारतीय विदेश मन्त्रालयका प्रवक्ता अनुराग श्रीवास्तवले एक विज्ञप्ति जारी गर्दै नेपालको निर्णय ऐतिहासिक तथ्य वा प्रमाणमा आधारित नरहेको दाबी गरेका छन् ।
विज्ञप्तिमा भनिएको छ ‘नेपालको प्रतिनिधिसभाले भारतीय भूभाग समावेश हुनेगरी नेपालको नक्सा परिवर्तन गर्दै संविधान संशोधन विधेयक पारित गरेको हामीलाई जानकारीमा आएको छ । यसबारे हामीले आफ्नो अडान पहिल्यै प्रस्ट पारिसकेका छौं । कृत्रिम विस्तारको यो दाबी ऐतिहासिक तथ्य र प्रमाणमा आधारित र स्वीकार्य छैन । यसले विद्यमान सीमा समस्याबारे वार्ता गर्ने हाम्रो वर्तमान बुझाईलाई पनि उल्लङ्घन गरेको छ ।’
मा प्रकाशित
