पहिरोमा पुरिएर ३ जनाको मृत्यु, ६ जना बेपत्ता

कनिका खबर
जेठ ३२, कुश्मा ।
पर्वतको कुश्मा नगरपालिका-३ मा गएराति गएको पहिरोमा पुरिएर तीन जनाको मृत्यु भएको छ । साथै पहिरोमा परी ६ जना बेपत्ता छन् ।
पहिरोमा परी दुई वटा घर पुरिँदा तीन जनाको मृत्यु भएको हो ।
जिल्ला प्रहरी कार्यालय, पर्वतका प्रमुख विश्वराज अधिकारीका अनुसार मृत्यु हुनेमा तुलबहादुर थापा, मिनकुमारी थापा र विविशा थापा रहेका छन् ।
बेपत्ताको खोजीमा नेपाली सेना, नेपाल प्रहरी र सशस्त्र प्रहरीको टोली खटिएको छ ।