मा प्रकाशित
कनिका खबर
असार ४, दाङ ।
कर्णाली प्रदेश अस्पतालको आकस्मिक कक्ष सिल गरिएको छ । अस्पतालमा उपचाररत तीन जनामा कोरोना भाइरस संक्रमण पुष्टि भएपछि अस्पतालको आकस्मिक कक्ष सिल गरिएको छ । यस्तै ४२ जना स्वास्थ्यकर्मीलाई क्वारअन्टिनमा राखिएको छ ।
३१ जेठमा सुर्खेतका एक जना र ३२ जेठमा दैलेखका दुई जना बिरामी अस्पतालको आकस्मिक कक्षमा भर्ना भएका थिए । आकस्मिक कक्षमा भर्ना भएका सबै बिरामीको स्वाब संकलन गरेर कोरोना परीक्षण गर्दा बुधवार तीन जनाको रिपोर्ट पोजेटिभ आएको थियो ।
तीनै जनामा कोरोना पोजेटिभ देखिएपछि उनीहरुको नियमित परीक्षण र रेखदेखमा खटिएका स्टाफ नर्स र एचएसहित ४२ जना स्वास्थ्यकर्मीलाई क्वारअन्टिनमा राखिएको हो ।
