चैत्र ७, दाङ ।
अभिनेता पल शाह विरुद्ध अनुन्धान सकिएको छ । शाह नाबालिकामाथि जबरजस्ती करणी गरेको अभियोगमा प्रहरी हिरासतमा रहेका छन् । हिरासतमा रहेका शाहविरुद्धको अनुसन्धान सकिएको जिल्ला प्रहरी कार्यालय तनहुँले जनाएको हो । अनुसन्धान सकिएपछि रायसहितको प्रतिवेदन जिल्ला सरकारी वकिलको कार्यालय, तनहुँमा बुझाइएको छ ।
प्रहरी हिरासतमा रहेका शाहलाई म्याद थप गर्दै २१ दिन लामो अनुसन्धान गरिएको हो ।अनुसन्धान सकिएपछि प्रहरीले सरकारी वकिल समक्ष अनुसन्धानको प्रतिवेदन पेस गरेको हो ।
शाहविरुद्ध एक गायिकाले नावालिगमाथि जबरजस्ती करणी भएको अभियोगको मुद्दा दायर गरेकी थिइन् ।
जिल्ला प्रहरी कार्यालय, पूर्वी नवलपरासीले पनि शाहविरुद्ध गरेको अनुसन्धान सकेर अदालतमा मुद्दा दायर गरिसकेको छ ।