प्रतिष्ठान दाङमा थप एक पिसिआर परीक्षण मेसीन – Kanika Khabar
Thursday, August 5Nepali News Portal

प्रतिष्ठान दाङमा थप एक पिसिआर परीक्षण मेसीन

    मा प्रकाशित

कनिका खबर
असार ४, दाङ ।

राप्ती स्वास्थ्य विज्ञान प्रतिष्ठान दाङमा थप एक पिसिआर परीक्षण मेसीन सञ्चालनमा आएको छ । यससंगै अव प्रतिष्ठानमा दैनिक एक हजार जनासम्मको स्वाव परीक्षण गर्ने भएको छ ।

नयां मेसिन बुधवाररातीदेखि सञ्चालनमा आएको प्रतिष्ठानका निमित्त कायम मुकायम रजिष्ट्रार कैलाशप्रसाद देवले जानकारी दिएका छन् । ‘प्रतिष्ठानमा सिसिआर मेसिन थप भएको छ, अव सिफ्ट अनुसार मेसिन चलाइने छ’–रजिष्टार देवले भने–‘अव दुई वटा मेसिन सञ्चालनमा आएपछि दैनिक ८ सयदेखि एक हजारसम्म स्वाव परीक्षण गरिनेछ ।’ यस अघिसम्म प्रतिष्ठानमा दैनिक बढिमा चारदेखि पाँच सय नमूना परीक्षण हुंदै आएको थियो ।

नयां मेसिन जडानसंगै प्रतिष्ठानमा परीक्षणको पर्खामा रहेका स्वाव नमुनाहरु चारदिनभित्रै परीक्षण भैसक्ने बताइएको छ । उनका अनुसार प्रतिष्ठानमाकरीव ४ हजार नमूना परीक्षण हुन बांकि रहेको छन् । राप्ती स्वास्थ्य विज्ञान प्रतिष्ठान दाङसहित सल्यान, रोल्पा,रुकुम पश्चिम,रुकुम पूर्व, प्युठान, कपिलबस्तु,बाँके,बर्दियासम्मका स्वावहरु परिक्षणको प्रक्रियामा रहेका रजिष्ट्रार देवले जानकारी दिए ।

उनका अनुसार दैनिक करीव ८ सयदेखि एक हजारसम्म व्यक्तिहरुको स्वाव परीक्षणका लागि आउने गरेको छ । एउटै मेसिनबाट परीक्षण गर्दा ढिलाई भएको थियो । जसले गर्दा क्वारेन्टाइनमा सबेका व्यक्तिहरु घर जान थालेका थिए ।

तर अव त्यो समस्या जिल्लामा नदेखिने प्रतिष्ठानले जनाएको छ । ‘पहिले परीक्षणका लागि स्वाव धेरै आउने तर परक्षण कम हुदाँ समस्या देखिएको थियो’–रजिष्टार देवले भने–‘अव दुई वटा मेसिनबाट स्वाव परीक्षण हुने भएकाले विगतको समस्या दोहोरिने छैन ।’

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्