कनिका डेस्क
असार ९, दाङ
देशमा मनसुनी वायुको प्रभाव बढेकाले आजपनि देशभर सामान्य बदली रही देशका धेरै स्थानहरूमा हल्कादेखि मध्यम वर्षा हुनेछ । आज दिउँसो र साँझ मौसम बदली भई पानी पर्ने जल तथा मौसम पूर्वाननुमान महाशाखाले जनाएको छ । प्रदेश १ र सुदूरपश्चिमका केही ठाउँमा पानी परेको हो । प्रदेश २, वाग्मती, गण्डकी, प्रदेश ५ र कर्णालीमा पनि हल्कादेखि मध्यम वर्षा भैरहेको छ । मनसुन सक्रिय भएकाले छिनछिनमै मौसम बदली हुने मौसम पूर्वानुमान महाशाखाले निकालेका मासम बुलेटिनमा उल्लेख छ ।
आज प्रदेश १, प्रदेश २, गण्डकी प्रदेश र प्रदेश नम्बर ५ का एक दुई ठाउँमा भारी वर्षाको सम्भावना रहेको उहाँले बताउनुभयो । भारी वर्षा हुने क्षेत्रका इलाम, झापा, मोरङ, सुनसरी, सप्तरी, कैलाली, कञ्चनपुरका ठूला साना नदीमा पानीको बहाव बढ्ने भएकाले थप सतर्कता अपनाउन बाढी पूर्वानुमान महाशाखाले आग्रह गरेको छ ।
