मा प्रकाशित
साउन २४, दाङ ।
भारतीय राज्य बिहारका मुख्यमन्त्री नितिश कुमारले पदबाट राजीनामा दिएका छन् ।
राजधानी पटनामा राज्यपाल फागू चौहानलाई भेटेर उनले आफ्नो राजीनामापत्र हस्तान्तरण गरेको भारतीय टेलिभिजन च्यानल आजतकको अनलाइन संस्करणले जनाएको छ ।
राजीनामापश्चात उनले भाजपाबाट अलग हुने सबैको इच्छा रहेको भन्दै विधायक एवम् सांसदहरुसँगको समन्वयमा पछिल्लो निर्णय लिइएको बताए ।
उनले अब नयाँ बाटोबाट सरकार बनाउने तयारी गरिरहेको दाबी गरेका छन् । आजतकका अनुसार उनले बिहार विधानसभामा आफूसँग १६० जना विधायकहरुको समर्थन रहेको दाबी गरेका छन् । २४३ सिट रहेको बिहार विधानसभामा सरकार बनाउन केबल १२२ सिट पर्याप्त हुन्छ ।
