मा प्रकाशित
कनिका खबर
असार ११, दाङ ।
दाङमा हतियारसहित एकजना पक्राय परेका छन् । प्रहरीले हतियारसहित उनलाई पक्राउ गरेको हो । घोराही उपमहानगरपालिका–१३, लापेबाट माछे नेपाली भनिने २६ वर्षीय साजन नेपालीलाई हतियारसहित पक्राउ गरेको जिल्ला प्रहरी कार्यालय दाङले जनाएको छ ।
मंगलबार राति करिब १० बजेको समयमा पुगेको प्रहरीले एक थान भरूवा बन्दुक, एक थान पेस्तोल र भरूवा बन्दुकमा लाग्ने २ सय १० वटा फलामको छर्रा सहित पक्राउ गरेको जिल्ला प्रहरी कार्यालय दाङका प्रहरी नायव उपरीक्षक एवम् प्रवक्ता सुमित खड्काले बताए ।
घरमा लुकाएर राखेको गोप्य सूचनाको आधारमा त्यहाँ पुगेको प्रहरीले नेपालीलाई पक्राउ गरेको हो । पक्राउ परेका नेपालीलाई मुलुकी संहिता २०७४ अनुसार मुद्दा दर्ता गरी थप अनुसन्धान सुरू गरिएको जिल्ला प्रहरी कार्यालय दाङले जनाएको छ ।
