मा प्रकाशित
कनिका खबर
असार १४, दाङ ।
नेपाली काङ्ग्रेसको पदाधिकारी बैठक आज बस्दै छ । पार्टी केन्द्रीय कार्यालय सानेपामा दिउँसो २ बजे बस्ने बैठकमा समसामयिक राजनीतिक घटनाक्रम र पार्टीको १४ औँ महाधिवेशनको कार्यतालिकाबारे छलफल हुने प्रवक्ता विश्वप्रकाश शर्माले जानकारी दिए ।
नोबेल कोरोना भाइरस (कोभिड–१९) संक्रमणका लागि पार्टीको महाधिवेशन कार्यतालिका रोकिएपछि काङ्ग्रेसले यसबारेमा पनि छलफल गर्न पदाधिकारी बैठक आह्वान गरेको उपसभापति विमलेन्द्र निधिले बताए । काङ्ग्रेसले १४ औँ महाधिवेशन सम्पन्न गर्नका लागि क्रियाशील सदस्यता वितरणलाई समेत अगाडि बढाइसकेको अवस्थामा कोरोनाको प्रकोप भित्रिएको थियो । त्यसपछि भने काङ्ग्रेसले पार्टीका सबै गतिविधिलाई स्थगित गरेको थियो ।
