कनिका खबर
असार १६, दाङ ।
सरकारले मिलेनियम च्यालेन्ज कर्पोरेसन (एमसीसी) को अनुदान सम्झौता कार्यान्वयनको थालनी हुने म्याद थपको लागि गृहकार्य गरिरहेको छ ।
एमसीसी कार्यान्वयनका लागि पूर्वनिर्धारित मिति आज मङ्गलबारदेखि तय गरिएको थियो । पूर्व निर्धारित योजना अनुसार आजदेखि सम्झौता कार्यान्वयन थालनी हुने रहेको थियो । तर, आजदेखि सम्झौता कार्यान्वयन हुन नसक्ने परिस्थिति देखिएपछि मिलेनियम च्यालेन्ज एकाउन्ट (एमसीए) नेपालको विज्ञप्ति जारी गरी म्याद थपको लागि अनुरोध गरेको हो । विज्ञप्तिमा भनिएको छ, ‘कम्प्याक्टको कार्यान्वयन थालनी मितिमा प्रवेश गर्न र यस कार्यक्रमलाई अगाडि बढाउनका लागि छिटोभन्दा छिटो संसदीय अनुमोदनसहितका बाँकी सबै पूर्वशर्त पूरा गर्नका लागि सम्बन्धित सबै पक्षसँग क्रियाशील रहेको छ ।’ एमसीए नेपाल, एमसीसी सम्झौता कार्यान्वयनका लागि गठन भएको निकाय हो ।
एमसीए नेपालद्वारा जारी विज्ञप्तिमा भनिएकोे छ, ‘हालैका दिनमा भने विश्वव्यापी कोभिड–१९ महामारी तथा संसदीय अनुमोदन प्रक्रियामा भएको ढिलाइका कारण कार्य प्रगतिमा अवरोध सिर्जना भएको हुँदा कार्यान्वयन थालनीमा पुनःविचार आवश्यक देखिएको छ ।’
मा प्रकाशित
