मा प्रकाशित
कनिका खबर
असार १६, दाङ ।
यसै वर्षको सेप्टेम्बर ७ देखि बङ्गलादेशमा हुने भनिएको साफ च्याम्पियनसिप फुटबल प्रतियोगिताको मिति सरेको छ । प्रतियोगिता आगामी बर्ष सम्मका लागि सरेको छ ।
दक्षिण एसियाली फुटबल महासंघको आयोजनामा ढाकाको बङ्गबन्धु रंगशालामा तय गरिएको १३ औं साफ च्याम्पियनसिप कोरोना भाईरस र अक्टोबरमा एएफसीले विश्वकप तथा एसियन कप छनोटका लागि ल्याएको प्रस्तावित मितिका कारण २०२१ मा सारिएको छ । साफको सचिवालयको हिजो बसेको बैठकले साफ च्याम्पियनसिप फुटबल अर्को वर्षका लागि सारेको हो ।
यसका साथै यू १५ साफ, यू १५ महिला साफ र यू १८ महिला साफ च्याम्पियनसिप पनि तत्कालका लागि सरेको छ । यी प्रतियोगिताको मितिका बारेमा आगामी सेप्टेम्बरमा बैठक बसेर निर्णय समाचार आजको नेपाल समाचारपत्रले प्रकाशन गरेको छ ।
