मा प्रकाशित
कनिका संवाददाता
बैशाख १४, काठमाडौँ ।
सरकारले बन्दाबन्दीलाई बैशाख २५ गतेसम्म लम्ब्याउने निर्णय गरेको छ । मन्त्रिपरिषद्को आज बसेको बैठकले लकडाउनको समय लम्ब्याउने निर्णय गरेको हो । कोभिड १९ सम्बन्धी उच्चस्तरीय समन्वय समीतिको शनिबार बसेको बैठकले लकडाउनकै कारण कोरोनाको संक्रमण नियन्त्रण गर्न सफल भएको निष्कर्ष निकालेको थियो ।
मुख्यसचिव लोकदर्शन रेग्मी नेतृत्वको कार्यदलले हिजो शनिबार एक हप्ता लकडाउन बढाउन सिफारिस गरेको थियो । यसअघि शनिबार बिहान बसेको कोरोना रोकथाम तथा नियन्त्रण उच्चस्तरीय समन्यव समितिको बैठकले लकडाउनको मोडालिटीबारे टुंगो लगाउन कार्यदललाई जिम्मा दिएको थियो ।
