अमेरिकामा एकैदिन थपिए ५२ हजारभन्दा बढी कोरोना संक्रमित – Kanika Khabar
Monday, November 23Nepali News Portal

अमेरिकामा एकैदिन थपिए ५२ हजारभन्दा बढी कोरोना संक्रमित


    मा प्रकाशित

कनिका खबर
असार १८, दाङ ।
अमेरिकामा एकैदिन कोरोना भाइरसका अहिलेसम्मकै धेरै संक्रमित थपिएका छन् । जोन्स हप्किन्स युनिभर्सिटीको तथ्यांक अनुसार अमेरिकामा पछिल्लो २४ घण्टामा ५२ हजार ९८२ कोरोना भाइरसका नयाँ संक्रमित फेला परेका छन् । यससँगै अमेरिकामा अहिलेसम्म कोरोना भाइरसका संक्रमितको संख्या २६ लाख ८२ हजार २७० पुगेको छ ।

त्यस्तै अमेरिकामा कोरोना भाइरसबाट मृत्यु हुनेको संख्या पनि एक लाख २८ हजार २८ पुगेको छ । यो संख्या कोरोना भाइरसबाट सबैभन्दा धेरै मृत्यु हुने सूचीमा दोस्रो स्थानमा रहेको ब्राजिलको भन्दा दोब्बर हो ।

अमेरिकामा कोरोना भाइरसको संक्रमणमा कमी आउन सकेको छैन । यो साताको शुरुमा अमेरिकी वरिष्ठ स्वास्थ्य अधिकारी डाक्टर एन्थोनी फाउचीले अमेरिकामा दैनिक एक लाख कोरोना भाइरसका संक्रमित भेटिनसक्ने चेतावनी दिएका थिए । कोरोना भाइरसको संक्रमण बढेसँगै पछिल्लो समय केही अमेरिकी राज्यमा पुनः लकडाउन गरिएको छ ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्