मा प्रकाशित
कनिका संवाददाता
असार १९, गोरखा
गोरखाको सहिद लखन गाउँपालिकाका चार जना कोरोना सङ्क्रमित आज डिस्चार्ज भएर घर फर्किएका छन् । भारतबाट आएर शहिद लखन गाउँपालिका वडा नं सात बुकोंटको शहिद स्मृति माध्यामिक विद्यालयको क्वारेन्टाइनमा बसेका ५४, ३१, ३८ र २७ वर्षका पुरुषमा गत असार पाँच गते कोरोना सङ्क्रमण पुष्टि भएका थियो । कोरोना पुष्टि भएपछि उनिहरुलाई गोरखा अस्पतालको आईसोलेसनमा राखिएको थियो ।
पुनः कोरोना परिक्षण गर्दा कोरोना संक्रमण नदेखिएपछि होम क्वारेन्टाइनमा बस्नको लागि अनुरोध सहित आईसोलेसनबाट घर पठाइएको गाउँपालिकाका अध्यक्ष रमेशबाबु थापामगरले जानकारी दिनुभयो । अन्य कोरोना संक्रमितको स्वास्थ्य अवस्था सामान्य रहेको हुदा गाउँपालिका बासिलाई पनि बिचलित नभइ पुर्ण सावाधानी अपनाउन पनि अध्यक्ष थापा मगरले अनुरोध गर्नुभएको छ ।
